Чуварите на вистината

Што ако целиот твој живот е лагa? А најстрашното од сè – што ако не си подготвен да ја прифатиш вистината?
Лиа живее во свет што изгледа нормално, но длабоко во неа еден глас шепоти дека нешто не е како што треба. Сомнежот станува опсесија. Потрагата по вистината ја води до прашања без одговор, до сенки што шепотат тајни, до луѓе кои знаат премногу... и молчат. 
Живеејќи во свет изграден од зборови што други ѝ ги кажале, сепак нејзиното срце чука на вратата на нешто постаро, нешто длабоко потиснато. Со секој чекор што го прави, нишките на реалноста се кинат, откривајќи слоеви од светот кој никогаш не ѝ било дозволено да го види, додека секој нејзин чекор е следен и набљудуван од она што се крие длабоко зад сите необјасниви нешта.
И штом еднаш ќе станеш нејзин чувар, дали ќе успееш да ја сочуваш до крај, од оние кои жедно ја бараат во свет каде што не си единствениот кој трага по неа?
Но, вистината има цена..., а некој е подготвен да убие за да остане скриена.
Во свет на илузии, може ли вистината да преживее?
Или барем оној кој ја носи со себе?