Љубов и страст

Поетската книга „Љубов и страст“ на поетeсата Тања Гоцева, има перцепција - за идеално напишани поетски творби.
Во „Љубов и страст“ Гоцева се пронаоѓа себеси. Таа тврди со непрекорен протест и со голема одлучност дека ќе го пригуши немирот во душата, ќе го избрише него во минатото и ќе го засени во сегашноста. Ќе го научи нејзиното срце да живее без него!
Книгата претставува поетски лавиринт, еден љубовен патоказ, еден инсерт од љубовното поднебје на авторката Гоцева. Секоја поетска творба – е своја приказна, а сите заедно - се животна епизода.                                   
Поетесата пишува, без и најмалку да се засегне за нејзината отвореност. Едноставно, зборува со душа-та, баш така како и што чувствува.                                                                                                                          
Стиховите се обликувани со емоции и имаат своја тежина.
Тања Гоцева е современа поетеса која чекори во кругот на современата поетска литература. Начинот на кој пишува е директен, искрен и накитен со многу лирски фалти и завиткани метафори. Едноставно, нејзиното перо знае што пишува, како пишува и што сака да ни каже.